بسم من كوّن بن آدم من عدمه الى الوجود ...........بسمه ابدا مالنا غيره الرب معَبود فارق الرجل من الانثى وكل منهم له حدود ...........الغريزه فالجل غيره على دينٍ ومال قبل نبدا السالفه لازم نشير ونستشير ...........والهدف منصوب قدام الكبير وللصغير اهدي المعنى الجزيل لكل رجلٍ فيه خير ...........ولا يقدم للرجال الطيبين الا الجزال يا شباب المسلمين الله يهديكم هدى ...........التشبه بالنسا ماهو بحق ولا قدى لبسك الثوب المخصر من علامات الردى ...........وانت لك مبدا ودين ولك مواقف واحتمال الثلاثه كلها ماهيب تصلح للشباب ...........لبسك الضيّق ولبسك ثوب يسحب فالتراب ولبسك الشورت القصير ان سرت بالشارع عذاب ...........وانت رجالٍ تمثل قوم لو جالك مجال يا شباب الدين مبدانا وعادتنا الشيم ...........احذروا من جارف التيار وتضيع القيم والحضارة من بلاد الغرب ماهي لك سيم ...........لو تطاوعهم يا عبدالله قالوا لك تعال القنوات الفضائية تبث المنكرات ...........غيرت مفهوم جيل اليوم شبان وبنات وانت يا ولي الامر شجعتهم للمغريات ...........ما دريت انك محاسب عند ساعات السؤال لا تطيع ابنك يسوي شي ماهو بمعَروف ...........لو يقول الك الولد يا بوي تحكمنا الظروف ودي اقص الشعر قصات وعيونك تشوف ...........قل : بدا 00 ماهو بطبعٍ للنشاما يا عيال مغريات الوقت جتنا والمشاكل نوع نوع ...........والفتى اللي له بني عم وجماعات وربوع ما تهزه مغريات الوقت وتضيع الطبوع ...........ما يرد النفس عما تشتهيه الا الرجال احمد الله واشكره والله يبي من يتقيه ...........وديننا الاسلام يا المسلم لزومٍ نحتميه لا تلاعبك العواصف وانت رجالٍ نبيه ...........ودون دين الحق يلزمك المخاصم والجدال السلوم الطيبه كنزٍ ثمينٍ للزحول ...........ما تضيعها الرجال اهل الذهانه والعقول لو يزول اكبر جبل سلم النشاما ما يزول ...........والرجل له منسبه من بين عمان وخوال كل شيٍ غير صالح للعقيده ما نباه ...........ربنا جل وتعالى يرزق العبد وهداه والنبي الهاشمي وصى البشر باحسن وصاه ...........قال : صلوا لله المعبود مرتفع الجلال طيع ربك يا فتى واحرص على كل الفروض ...........ولا تطيع النفس والشيطان في كل معَروض اشهد ان من طاع ربه والتزم فيه محظوظ ...........قلتها وانت الحكم فيها ولله الكمال
