روح القصيد

إن زان لك وقت ما دام إلك ما زان
.........وان شان لك وقت ما دام إلك شينه
واكبر خساره خسارة ربع واخوان
.........خسارة الرجل لربوعه غبينه
@@
حديث الاغصان ما يملا الفناجيل
.........ولا جلب دار زيتون النوايا
ما راح بالحيل يرجع بس بالحيل
.........والاّ بلا حيل مرواح الهدايا
@ @
البرق ملواح الحيا كل ما رف
.........والبيد موعدها الربيع برفيفه
ما كنه ألاّ السيف والراعد الدف
.........عرضة مطر ما بين دفّه وسيفه
ما للثرى غير البلل بعد ما جف
.........والقاع ماله غير يبشر بريفه
وما للشقا حافر ولا للدهر خف
.........والليله الظلما ما عادت كفيفه
يومض ويوقض في صدور البدو شف
.........ويفل خاطر موميات السفيفه
@ @
ما بقى للدمع منديل وعيون وكلام
.........ولا بقالك يالمناديل دمع ولا عيون
كنت قبل احب الأغصان واحب الحمام
.........بس هذا اليوم ما أهوى الحمام ولا الغصون
لا تساوم فالكرامه على شان السلام
.........خلها تشب نيران والكاين يكون
موتة الانسان بالعز تقدير و وسام
.........ولا حياته بالمذله وخذلان الظنون
@ @
الارض ما ضاقت ولا انزاحت ولا انزاحت سما
.........الارض مطرحها ولا زال السما في مطرحه
والانحدار بكل شيء يصير عكسه ما سما
.........والارض مسرح للحياه وكل شيء ومسرحه
والكلمه اللي ما يثمنها لسان ولا جما
.........ما تقتل الرجّال من ناقص ولاهي تجرحه
@ @
اشرق النور من وجنه وطول ارقبه
.........واحتفى فيه ليلٍ فوق الامتان مال
كنّه يبروز القمرا على ما اعجبه
.........ضفّها من يمين وضفّها من شمال
وانعزل جسمها عن جسمها بأذربه
.........التعزل كذا وألاّ بلاش انعزال
@ @
قالت احطب - قلت والغابه متى كانت قريبه
.........قالت احطب - قلت وين الفأس لو حصّلت غابه
قالت احطب - قلت يا قصر اليدين المستريبه ِ
.........قالت احطب- قلت يا قل البصيره لا رتكابه
قالت البرد إلتوى فالضلع ترضى يلتويبه
.........قلت لا - قالت وتتركني كذا يا للغرابه