عسى الجنه مقرك

عيال اموات لكن البطل هذا الزمن لامات
تحس ابطال ماتوا.. ما تحسه ودع لحاله
مثل سلطان بن عبدالعزيز وهات مثله هات
هذاك النادر اللي في زمنا.. قلوا امثاله
فقدنا اللي ملا الدنيا مكارم راعي المدات
ولقينا الحزن حزن غير في حله وترحاله
اثر ما هي طويله هالليالي قلتها بالذات
عقب شفت المهيب الركن راح ووقفت لياله
انا مؤمن بموته بس مرتني كذا حالات
تخيلته لازال بهاالحياة وشاهد الحاله
شف الدمعات تنزل كنها ما هي كما الدمعات
تشتتها ابتساماته واصدق كني اقباله
اثر حتى وهو ميت يجود وتكبر الجودات
لاجاد الله على اللي ما يعد الجود ورجاله
وداعاً يا الكريم اللي مع اسمك تذكر الخيرات
عسى الجنة مقرك في جوار المصطفى وآله
دعانا ما يتوقف وانت ابونا راعي الوقفات
يا كم مسلمٍ دعا لك وانت لا عمه ولاخاله
اعزي بك ملكنا اللي ملكنا والعزا ما فات
اخوانك كلهم واللي يا ابو خالد على باله
يا رب ارحم وصبّر كل مسلم تخنقه عبرات
من اقصى المسلمين الى بنات الحر وعياله
أبوكم مات لكن صيته اللي كوّنه ما مات
على كبد السما في موقعه ويخصه لحاله
غالب سعود بن مضيان الظاهري