قصيدة " بخورك " للشاعرة الاردنية المميزة ليانا الرفاعي

انا الجفّيت من محلك سحابك ما ارتجي ريّه
بيوم التقصد وصالي تأذيني ولا تندم !
هجيت انّك بغيت تبلّ ثغر الروح بالميّه
واثارنّك تبي تغسل ذنوبك بي وتتيمم
تعذّبني بقسا فعلك وجرحي موجعٍ كيّه
وبتحمّل لجل عينك وتغدر بي ولا اتعلّم
كذا تتعامل الميته .. مَ تدري انّي بعد حيّه!!
بالمسلّه تخيّط لي جروح الرّوح ما ترحم
تقيّل تحت أغصاني .. بورقاتي بتتفيّه
وعقب الصحو يا حطّاب من جورك ولا أسلم
فداك الجذع يا خلّي فداك القلب ياضيّه
تحطّبني وتحرقني إذا في جمرتي تنعم
وانت سيدي وانا عبدك ومالي بذمّتك ديّه
وفي طاعتك أتجلى واحس اني غديت اعظم
ولا ناشدك تعتقني وانا الماسور بيديّه
وليه تحارب محالفك ؟ دام بنصرته تغنم
تعال احضن لظى اشواقي تعال بصادق النيّه
وحلّي علقم بكاسي وكن يا مشربي بلسم
تشوف الوجد يسعد بك وقلبٍ فاض حنيّه
ويسقيك الهنا بيده تشاور له يقلك ..تم
يدندنلك تقاسيمه وتسمع منه غنيّه
يبدل حلو الحانه لاجل يلقاك تترنم
يغنيلك .. يغنيلك ولا عشره ولا ميه
لحين يشوفك مسلطن وتهذي كانك بتحلم
قسم بالله ما هوّن لك شموخة من شويّة
بخورك عشّق عروقه وصار مخالطٍ للدم
وإذا ما تسعفه بشمّك تزوره روح جنيّه
عليل و ادمن انفاسك وصار لشوفتك مرغم
الشاعرة الاردنية - ليانا الرفاعي