بدوٍ حضر

شابت عيوني ورى باب السهر وانا انتظر
كم ليل مرّ وتعدّاني عمر ياغايبه
من كثر ما احسب من ايام السفر باح النظر
واقول للدمع الازرق لانهمر وش جايبه
غابت عن لساني اسماء البشر واسمك حضر
تنبت حروفه شجر يسقط ثمر مشهاي به
اللي تخبرين يكتب لك شعر قلبه خضر
باقي وبعده على مثل الجمر لك سايبه
يوم التقينا على شط البحر بدوٍ حضر
حبات رمله تحت نور القمر جت ذايبه
لحظة كشفتي عليها في حذر وجهٍ نظر
واخفيتي بكفّك الموت الحمر مت هايبه