ملزوم أبيّن غلاك

طارق حبيب الهنداس
محبوبة القلب تطعنّي ولا تحاتي
وانا لها جالسٍ أرتب جروحي
عشان تختار أجمل شي في ذاتي
شرّعت أحسن مكانٍ زخرف طموحي
علمتها كيف تكسر من طموحاتي
واهديتها صدري العاري مع وضوحي
الطعن منها يداعب كل دمعاتي
من شانها صرت احبّ الطعن في روحي
واحبّ الاحزان دربٍ في مسافاتي
وْفي كلّ خطوه اشمّ الحزن من بوحي
حتى اتلذّذ بجرحه في خيالاتي
مؤمن بأنه يسلّيني رغم نوحي
وين الخناجر؟ ترى باقي مساحاتي
انظر اهزّ الجروح وتسقط صروحي
لأني كتبتك عنا ف اعذب رواياتي
استمتعي في رواياتي ولا تروحي
حتى ولو كنت قاسي في كتاباتي
ملزوم ابيّن غلاتك في مدى روحي