من متاهة في متاهة

يا صاحبي ما على بالي فكاهه
والحزن واقع عليه القلب مكره
البارحه من متاهه في متاهه
أمر الأفكار فكره بعد فكره
في الواقع اللي بريّ من النزاهه
ما غاب عن نشرة الأخبار ذكره
نزرع ذكانا ويحصدنا بلاهه
نخطي ولا نشعر إلا وقت سكره
لا تلمس الجرح في فترة نقاهه
خله يبلّغ عن الاحباط شكره
أحبّة المكر روّاد الوجاهه
الله من فوق منتم فوق مكره
أقسى حقيقة تنسيك الفكاهه:
اليوم سيء والاسوأ منه بكره
عيضة السفياني