ماني موقّف ولاني بمسجون

ماني موقّف لا ولاني بمسجون
والسجن يا تويتر مهو منزلٍ لي
السجن به كافر ومخطي ومجنون
وانا هذولي كلبوهن مهن لي
إن خفت خفت من الولي خالق الكون
اللي رجاه وهيبته رحمةٍ لي
ومن فضل رب البيت ماني بمديون
ولا شكيت إلا على الله ذلي
من خلقتي وأنا ارتفع واترك الدون
ليه الحسد يا أهل الحسد والتبلّي؟
إن طبت درب أجدادي اللي يطيبون
وإن غبت تلقى في محلّي مهلّي
ما طبت من شان الجماعة يشوفون
لا والله إلا المرجلة عادةٍ لي
أنا الوفا يوم المساكين يردون
وأنا الكرم قد زارني في محلّي
قولي فعل وبفعلي الناس يحكون
صوتي وصل يوم الردي ما وصل لي
وعيالي اللي بالمواقف يطيبون
واللي ردا فعله موب ولدٍ لي
الله ولا عند الطلب مدّة الهون
المدّة الهزلة مهي مدّةٍ لي
وأبكي ليا شفت الفقيرات يبكون
وسمعت نوب أصواتهن لا دعن لي
واليا لقيت الناس باسمي يخوضون
استغفر الله واتوضّا وأصلي