أحب شوف البر

مايشرح الخاطر ويبعد همومي
الا الخلا ومرافقة كل دندون
أحب شوف البر لو ربع يومي
كني بشوفه مالكٍ مال قارون
البر متعه والعمر مايدومي
والوقت مايصفى على مايقولون
خلوني أدله في طويل الرجومي
وانسى شقا نفسي وماكان مكنون
مالي بجو الدار لحدٍ يلومي
شوف الخلا ماله مثيلٍ ولا لون
فيه انشراح البال واجمل حلومي
جوه يخلي القلب سالي وممنون
مع شبةٍ للنار حسب السلومي
وادلال رسلانٍ بها البن مرهون
فنجالها كايف ويقضي اللزومي
يبعد عماس الراس لاصار موزون
هاذي طراتي بين كل العلومي
وكلٍ على كيفه يشيد له حصون
نواف بن محمد الصخابرة