أجبر عزانا فيه يا عالي الشان

علم لفانا في ضحى يوم الاثنين
لا عاد علم جاحنا هز الابدان
علم لفا تاريخ ستة وعشرين
من شهر ستة عم في الدار الاحزان
علم وفاة اللي بكوه الملايين
فهد يعله عقب دنياه في اجنان
عساه في الجنة ومسكنه علين
واجبر عزانا فيه يا عالي الشان
يا خادم البيتين خلفك سلاطين
اخوانك الوافيين ذربين الايمان
اخوانك الوافيين في الحكم عدلين
نعم الخلف بعد السلف نعم الاخوان
نعم الخلف بعد السلف نعم (الاثنين)
عبدالله الضرغام واخوه سلطان
وجميع الاسرة بايعوهم على الدين
والشعب بايعهم على الصدق وايمان
امبايعين ايام وشهور وسنين
امبايعين بالوفا طول الازمان
امبايعه بسلام ما هو قوانين
امبايعه بالصدق ما فيه قولان
من بعد طاعة ربنا احنا مطيعين
طاعة ولاء ومبايعه سر واعلان
وصلوا على ختم الرسل والنبيين
محمد اللي جالنا بختم الاديان
عبدالله بن سعد الشايقي
عشيرة سدير