علمتني يا وقت

ما فات اخليه
واحرص على القادم وافكر لقدام
وان الصبر لاطال لابد راعيه
يلقى الفرج مادام صبره له حزام
وان المحبه جرحها ما يداويه
طبيب جراحٍ ولا طول الاعوام
وان الخوي ماهوب منهو تخاويه
ترى الخوي ياقف بشدات الايام
وان المجافي لازم اني اجافيه
دامه بغى بعدي فلا ظني انلام
وعلمتني اضحك وحزني اخفيه
اخفي همومك لو سرى الليل مانام
وعلمتني اترك دروب المشاريه
دام التشره والخوي منه مادام
مشكور يا وقتٍ دروسه بماضيه
دروس نفهمها بلا شرح واقلام
عبدالله بن داوود العصيمي