غن الشعر بأنغام قوس الربابة

بعض البشر لاشك ما ينغزابه
طيلة حياته بس وطّه وتلقاه
بالمرجلة بالمعرفة غير آبه
ثابت مكانه والخلايق تعداه
ذاك اللذي لاغاب ما ينشقابه
تمشي حياتك يا رفيقي بلياه
احلى أمنياتك لو يطول غيابه
والظاهر إنه لابتعد ما تحراه
ضيق صدر ما يعرف الذرابة
كل الحصيلة منه ظهره وعلباه
لا تنصحه لا تكلمه وش تبابه
خله مع اللي ناقلن داه برداه
ماقط نفع باللي مسوس طبابه
ما ينفعك ياكود قلعه وفرقاه
لا صار ما بينك وبينك قرابه
فلينقلع جعل الذيابة تعشاه
وغن الشعر بأنغام قوس الربابة
واضحكلنا من داخل القلب وانساه