المرجله تبغى رجالٍ مناعير

(ناس لهم بالقلب حشمه وتقدير)
ودك تسير يمهم كل يومي
ياماحلا شوف الدلال المباهير
في مجلسٍ يبعد كثير الهمومي
فنجالها يسوى فلوس ودنانير
مع رجالٍ كلبوهم قرومي
عاداتهم وافين مابه تقاصير
فتخان الايدي بالمواجب تزومي
افحربخوتهم على كل مايصير
امثالهم في هالزمان امعدومي
وابعد عن اهل الهرج راع الهواذير
اهل النمايم ناقصين العلومي
اللي لهم في عرض الاجواد تحدير
ضعاف الانفس في خطاها ترومي
مافيه غير الشر ما يجيب لك خير
كنّه بخلق الله بس امحكومي
لاشٍ ولد لاشٍ دروبه مخاسر
لوطاح ولد اللاش عيى يقومي
المرجله تبغى رجالٍ مناعير
صعبه على الجهال ذيك الرخومي