رياضي شارك وعنده حماسه ومن صورته يبدو لعمره سنينات همّه يوفر للحضور الوناسه وبيّن ان عنده نشاط ومهارات يبدو خذها في حياته فراسه وطبّح ولا فكر بخطر الاصابات محمد جلمود الشكره - الدلم ألعاب تعرض من زمانٍ بعيدي فيها من المتعة على وقت الأجداد اسمه (شريخ الشرخ) علمٍ وكيدي معروف أول في جماعات الأولاد علي رشيد الرشيد - رياض الخبراء اقفز ترى ما باقي بوقتنا شين عجّل قبل ما ياخذونه علينا للسن دور .. وللملاقا جديرين ولأخذ الجوائز والمراكز حظينا سالم معزي الفهيقي - تيماء يا عود راح الزمان اللي تهيا لك الكبر يا عود حالة صاحيه حاله هوّن على روحك وخلك على حالك مهما تعزوى تشوف الوضع يرثاله ماني محطم شعورك والسعد قالك لكن قفى الوقت ما يشبه اقباله غرمان عبدالله المعيوف - المنطقة الجنوبية من التراث اليوم نسعد بذكراه هذا من الماضي تراث الجدودي السبت والسبوت يا ناس ما أحلاه لازم علينا دايمٍ بالوجودي أقول ماضينا على القلب ما أغلاه لجيالنا لا بد منها نزودي محمد عبدالعزيز الخنيفر - أشيقر لعبه جميله كم لها وقت يا ناس راحت مع اللي يلبسون الطواقي وقتٍ مضا قبل المدارس والاجراس والملعب اللي فيه جمهور متلاقي ألعاب شعبيه لها ذوق .. واحساس رغم الفقر.. والجوع.. وقل الوفاقي خالد بن ناصر المخيمر - روضة سدير صورة حيرتني في خزامى الصحاري شايبينٍ بعضهم معتنز فوق ثاني كان ما هو تطبب فظني العود هاري شف طواقيهم وحده وظني عواني مبارك محمد بن طرجم - وادي الدواسر الإنسان ما يا خذ زمانه وزمن غير اللي مضى ما عاد يرجع يا شايب لو كان تطمر لو تسوي دواوير فعلك أشوفه من كبار الغرايب عبدالله بن عبود السهلي - تبوك أشوف عودٍ طمر له عود محتار في اللي يسوونه مصباحهم خلفهم ما جود والكل منهم معه شونه كم مرةٍ صدروا بالقود وان روّح الضين يتلونه الجود ساسه من الماجود وفي وقت ذا اليوم يا هونه غازي قاعد العتيبي - الدوادمي أرفق ترفق يا فتى الجود أخطيت تراك عود والطمر يتعب الحيل منتب على خبرك شباب وتسليت لعبه قديمه وقتها الحط والشيل حمد عبدالله الوايلي - حوطة سدير اللعب ما خصص على سنّ الأطفال حتى الكبير أحيان يبغى الرياضه خير البشر وصى بها ضمن الأمثال طارح ركانه وطرحه باعتراضه محمد سالم الثبيتي - السر التراث اليوم مطلب لا يضيع واجبٍ نحييه في كل البقاع عن بلدنا لا يروح .. ولا نبيع والتراث اليوم سعره بارتفاع كم به اللعبات نلعبها جميع واظبوا يا ناس حذرا من الضياع ريان محمد الخنيفر - الرياض صوره ظريفه تجتذب كل الانظار لعب ورياض قبل ماحدٍ جهلها والعود قايل با تحدا للاخطار وانط نطه محد قدمي فعلها ترى الرياضه مطلب لكل الاعمار مير كبر السن يمكن قبلها سعود عائش الحربي - جدة صدّقني منتب قادرٍ ترفعه فوق ركبتك في جانب ظهر ذا المسيكين اطمر عجل الله يفكك من العوق تاصل حجا سطحٍ مبني من الطين سعود عبدالعزيز الهزاع - نعام نستقبل مشاركاتكم على إيميل الخزامى: [email protected] أو الفاكس رقم: 4871070 صورة العدد السابق
