صوت الصورة

هذا نموذج للحياة القديمه
يوم الزمن كفّه علينا شحوحه
رجال ما يرضى الفقر.. والهزيمه
رغم الشقا .. والياس نفسه طموحه
سعد مبارك القحطاني - بيشة
في سوق حرفه والشغل فيه مرصوص
والعود جالس والبضاعه عرضها
تسلم يمين اللي بدعها من الخوص
أوانيٍ ولكل وحده غرضها
سعد الحماد – روضة سدير
ياللي تسف الخوص بالجنادريه
عن الفقر أمنت نفسك بصنعه
راع الكسل بالنوم ماراح نيه
لا نافعٍ نفسه .. ولا شيف نفعه
فهد بن عقيل الطويان - بريدة
يا ما حلا حرفة الجدان
ذكرى .. وتذكار للماضي
دوك المقاميع بالجدران
يا وين وقتٍ لها ماضي؟
عبدالكريم عبدالرحمن السلوم - القرائن
يا جاهلٍ بتراث الأبا .. والأجداد
شف مهرجان أتراثهم عارضينه
ينبيك عن ماضي زمانك .. والامجاد
ياللعجب وشلون ذا صانعينه !
مشاري الغنام - ثادق
محفل يجينا كل عامٍ على وعد
فيه التراث اللي يذكر بالأجداد
شيابنا اللي عانقوا قمّة المجد
بفعولهم يفخر بها حاضر وباد
خالد بن ناصر المخيمر - روضة سدير
ذكرتني ياعم بأيام الاجداد
أيام كان الرجل يعمل بيده
بالخوص تصنع آنيه تحفظ الذات
وابيك تصنع لي مهفه.. ومده
إبراهيم محمد آل مزيد - حوطة بني تميم
الله وكبر يا سنينٍ مضني
أيام بها الذكرى على ماضيٍ فات
ذكرى الجدود اللي عليها نحني
هذي مهفه .. مع مخارف .. وحصرات
ريان محمد الخنيفر - الرياض
حبيت اعلق يا رياض الجريده
الصوره اللي بالعدد زينها طرق
يا زين شغل الشايب اللي يجيده
فن ونشز وحرفةٍ كلها فرق
سعيد فلاح الواهبي – بيشة
الصوره اللي بالجريده جميله
يا كم تذكرنا زمانٍ له أذكار
يوم الدهر في معسراته وميله
لا فيه مورد .. ولا فيه تجار
حمد بن عبدالله الوايلي - حوطة سدير
ليت الزمان اللي مضالك يعودي
ونشوف صنعتك القديمه جديده
نفخر بصنعة من سبقنا يجودي
ولك الشرف ياللي ظهرت بجريده
سامي الحارثي - شقراء
صورة العدد صورة من جملة صور وصلت للزاوية