يسري غلاها بدمي جوف شرياني

لو ان ليل الجفا يخجل على دمه
ما جاب طاريك بين الناس واشقاني
لكن ما فيه لا نخوة ولا ذمه
يفتح جروحٍ تلاشت ويتحداني
ما يدري ان الصبر خالي وانا عمه
كم ليلٍ ابكيته وكم ليل بكاني
لو نازح البعد ما يجلب لنا همه
ما شفتني بين ربعي شخص وحداني
لكن ابشكي على اللي يجلي الغمه
اللي تسبح لوجهه كل الاكواني
يا ربي افرج لمن قلبه شرب سمه
يسري غلاها بدمي جوف شرياني
يصد لا شاف رجلي سيّرت يمه
وان غبت جاني يجدد كل الاحزاني
كنّه على ذبح قلبي يعتل القمه
من عقب ما هو وليفي صار قوماني
نياف العتيبي - الطائف