راس الشمال

وهامة المجد كله
له في تفاصيل الليالي تفاصيل
شمسه على التاريخ دايم مطله
تكتب مكاتيبه وتزعج مراسيل
سيف بكف العود هزه وسله
لقى مسده في عيون الرجاجيل
ومنين ما وجه وبين محله
هلت هلاهيله وصاحت مغاليل
اللي يريد الظلم ماله مداخيل
عرعر سجل الخير كانت سجله
عاشت صباحه عقب مالفها الليل
عقب متاهات الشقاء والمذله
وعقب معاناة التعب والمراحيل
القت عصاها واستقرت بظله
ظل يذري عن جميع البهاذيل
فنجان كيف طيب الوقت زله
من طيب مارضى ساعة الميل
فعله "موصي" قال حطه وخله
هذا ولد من يتعب الهجن والخيل
خبط رقاب اهل الفتن وانحن له
يسوقها قدام جيشه "جهاجيل"
تخشاه روس القوم واهو بمحله
لوانها تسكن ورا شاطي النيل
عسى المزون الغر قبره تبله
اخو الملك عضد الملك نافل الجيل
*الشاعر عمري الرحيل