صوت الصورة

الجرف يا الربع لا ينهار
ترى الخطر عند رجليكم
كفو عن السيل يا الشطار
رب الملا منه ينجيكم
أيام ما تنزل الأمطار
لباسكم ما يدفيكم
وأخاف ما يكمل المشوار
ومشواركم ما يهنيكم
غازي قاعد العتيبي - الدوادمي
أشوف فرحه في الوجيه الأربعه
في نزهةٍ معجبهم الجو الجميل
الله يستر لا تجيهم زوبعه
والحال يصبح من بعد فرحه عويل
هذا الدفاع بكل حينٍ نسمعه
يحذر أهل البر من خطر المسيل
لا تقول أنا فاهم وأمري في سعه
وقت الكوارث كم شخص تاه الدليل
ناصر بن جمعان آل عوض - وادي الدواسر
بدر الفريدي صوّر الصوره بحال
وعلى الخزامى أرسله وانشروها
صورة شبابٍ جالسينٍ على الجال
وأخشى عليهم لوهم اعبروها
حمد عبدالله الوايلي - حوطة سدير
جلسةٍ يا زينها والسيل جاري
الله اللي حقق لخلقه مراده
وانتبه لا يجرفك قلنا حذاري
يا عساها جلسةٍ فيها السعاده
كم نفوسٍ روّحت والكل داري
ومن رحل قلنا عساها له شهاده
محمد عبدالعزيز الخنيفر - أشيقر
الجو مغيّم والسيل سايل
لا تنزلون في بطن المسيله
واللي جالسٍ على جرفٍ مهايل
خطرٍ يجيه السيل ويشيله
محمد سعد شبيب الجروي
كان تشوق النفس وتشد الأنظار
جلسه بقرب شعيب سايل صعيبه
لا تعوّد أولادك على قرب الأخطار
الجرف لا ينهار بكم في شعيبه
أحمد نايف العصيمي – الرياض
على جال الشعيب اللي سقاه الله من الأمطار
جلسنا نحمد المولى على نعمه وتفضيله
نشوف السيل من فوقه زبد طافح كما المحار
يشوقك منظره كنه فرات عراق أو نيله
يفيض في رياض الخير وتسعد به جميع أقطار
ويسعد كل من له غرس وتسعد به جماميله
خالد ناصر المخيمر – روضة سدير
غزر المطر اقتفاه السيل
واستبشروا به جميع الناس
وحبٍ لشوفه قبيل الليل
أربع على ضفته جلاس
جواً حلاته هوات الهيل
بدلال حول الجمر كالماس
سعود عائش الحربي – القاهرة
منظر طبيعي ما دخل فيه تدليس
يشوق منهو بالمناظر يشوشي
في شوفته عنّى تجلاّ الكوابيس
أفز كني شايف لي طروشي
محمد فهد الجلعود – سميراء
نستقبل مشاركاتكم على إيميل الخزامى:
rb-khozama@alriyadh.com
أو الفاكس رقم: 4871070
صورة العدد