يا كثر صدماتٍ كبيره تجوض

ما كل غلطه باليالي تعوض
بعض الغلط يبقى مع الوقت ناره
يا كثر صدماتٍ كبيره تجوض
نيه .. وغيري يعتبرها شطاره
كفى الزمن ما بالمشاعر مفوض
تنبيك عن بعض الوجيه الاشاره
ما كل حيٍ لا تزهّل يعوض
بعض البشر حتى بعرفه خساره
كم خانت الهقوات يا قلب روض
ليلك طويل ولا تبين نهاره
بعض الغلط روض ولا هو مروض
حتى الحليم .. بقمة الحلم ثاره
ماهي خساره كل شيٍ معوض
اهم شيٍ كل حيٍ بشاره
لو التجارب عن بعضها تعوض
ما كان تلحق هالمراره مراره