الوقت

يا بن آدم كل ما نلت المنى
أشكر اللي دايم بحالك خبير
ما تدوم الحال في عز وهنا
وكل حلم لا تحسب أنه يصير
قالها مجرب مشاوير الضنا
من يعيش يشوف في عمره كثير
وين منهو شيد قصور وبنى
وين منهو في يده مال وفير
وشبلاهم ليش ما هم بيننا
أولهم تحت الثرى بيت صغير
الحضيض التي يغطيه الثنا
وفي مماته يذكرونه بألف خير
والسعيد اللي من الجنة دنا
في عمل طيب ينجيه السعير
كلنا ماشين ما باقي لنا
غير ما تجنيه من فعل الضمير
ابتسم مهما تشوف من العنا
ولا تشوف الناس حزنك بالنظير
لا يغرك لو بك الوقت اعتنا
العمر لو طالت سنينه قصير