صوت الصورة

الطير وقّع على البرّاد
شربه يطفّي بها ناره
والشمس ماله بها مقعاد
عند المسا ناصي أوكاره
عبدالكريم عبدالرحمن السلوم - القرائن
يا ذا الحمام اللي تعاون على الخير
يا قف على الصنبور لجله ويسقيه
سبحان رب الكون يا ملهم الطير
دلّه على الترشيد والزود يبقيه
سعد الحماد - روضة سدير
وردن على الما يشربن مضمياتي
والقيض حاديهن ووردن يبنه
من الظمأ اجسامهن ناحلاتي
وجنحانهن ما يقدرن يرفعنه
جوع وظمأ حاصل لهن بالفلاتي
والما بعيد ودوبهن ياصلنه
عقلا خزن العنزي - تبوك
ياذا الحمام اللي على الما تغنيت
في وسط نافوره ولا همك المار
والجو بادي لك على ما تمنيت
والدار ما مونه ولا فيه أخطار
حمد عبدالله الوايلي - حوطة سدير
أثر الحمامه تفهم اللي تريده
تأتي على المحبس يظهر لها الما
ما هابت اللي حولها لا يصيده
أهم شين عنها كان تروى
صوره لقطها المصور فريده
صدفه جميله شفتها يوم تقرا
عبدالكريم بن خزيم - البكيرية
ولا يا الحمامه منظرك طيب وحزين
يدلّه قلوب الناس لاجات مرتاحه
وينكس بعض الاشخاص لامن شن زين
ويقعد طريح فراش ما يعرف الراحه
مبارك بن محمد بن طرجم - وادي الدواسر
هذا حمامٍ بين خلقه مواليف
قدم البشر يروي عروقه ويشفا
ما حافه الصياد في نزلت الصيف
ولا جفّله صوت البنادق وشلفا
ما يجهل الضلما ولا يشبع السيف
والظاهر إنه جاذبٍ نور وطفا
محمد زايد الروقي - الجمش
وين أنت يالصياد يا نوي الصيد
وفر عليك من العنا والمشقه
ثلاث حمايم كل أبوهن على السيد
على النافوره ما يبن غير طلقه
خالد بن ناصر المخيمر – روضة سدير
شربن وبعد الشرب فيه استراحه
حمامتان وشكلهنّه ولايف
وخلفهن وليفتينن بالساحه
والله في خلقه عظيم اللطايف
سعود عائش الحربي – القاهرة
القيض حامي والحمام ما خذٍ دش
يبي يبرّد واهج القيض بالما
أو يمكن أنه بيتنظّف عن القش
والحر لاهب زايد القيض يحما
سعود عبدالعزيز الهزاع – نعام
نستقبل مشاركاتكم على إيميل الخزامى :
rb-khozama@alriyadh.com
أو الفاكس رقم: 4871070
ونرحب بما تلتقطه عدساتكم
من الصور النادرة والطريفة
صورة العدد السابق