الطيب والمعروف والجود ينعاك

مرحوم يارمز الفخر والشهامه
الطيب والمعروف والجود ينعاك
وينعى الكرم في غيبتك فقد هامه
ورمزٍ من رموز السخاء من عرفناك
وللخير وسمّوك سِجّل وعَلامه
وماينذكر الإحسان لوما ذكرناك
وينعاك من ذله زمانه وضامه
ثمْ أنتشلته من عطاء فيض يمناك
وينعاك كل من له تحقق مرامه
والفضل بعد الله لكثرة عطاياك
مرحوم يا أمير السمو والكرامه
يهناك حب الناس يامير يهناك
في حب شخصك ماعليهم ملامه
بقلوبهم يامير سلطان سُكناك
وحب البشر للعبد بُشرى كرامه
وفال طِيْب وخير من حب مولاك
والكل في العالم يكن احترامه
ويذكر مناقبك الجليله وحسناك
عقب السبت من يشبهك في كلامه
وكل ماتلفتنا هنا ما وجدناك
وعقب السبت من وين نلقى إبتسامه
ومن يستطيع إحضارها دايم سواك
وعقب السبت نبكي هنا فقد قامه
ورجلٌ من رجال السياسه والإدراك
رجل التقى والدين والاستقامه
مالك هنا نِدٍ ولا نِدٍ هناك
وبوسط دُور ارواحنا لك إقامه
خالد يابوخالد ول أحدٍ بينساك
صابت نهار السبت عقبك قتامه
واظلم علينا الكون لما فقدناك
والليل لي منه سجى في ظلامه
تشكي القلوب وتبكي العين فرقاك
وش هو عزاء اللي مايشوفك امامه
والصبح موحش دون طلعة محياك
غير الدعاء لك لين ليوم القيامه
الله يجعل جنة الخلد مثواك
الكل يمم يم قصر اليمامه
مدري يعزي فيك أو يقبل عزاك
مبروك بن سالم بن ماضي