ندعي له وقوفٍ.. وندعي له سجود

للروح يوم ٍ بين الايام موعود
مايبعده عمر البنادم ولو زاد
كبير ولا في ذرى المهد مولود
سبحان من يعلم مراده لياء راد
افجع نبا يفز من هوله العود
وعلى الثرى يسابق الدمع الاولاد
نباء.. وفاة اللي تسمابه الجود
عليه من هول النبا طاحت اسياد
صمت الصحاري لاكتم غيمها النود
بعده تبات من الفجيعه به بلاد
سلطان عن كل السلاطين به زود
من يضحك بوجه الصعيبات معتاد
موطن وفاء ماله نهايه ولاحدود
يعيش في ضفه سلاطين وأفراد
اللي لحق العٌّربْ مايعرف الكود
في برها سور ٍ وللجو مرصاد
فزايعه.. تجلى كدر كل ملهود
مثل النسيم لضايق الصدر لانقاد
حتى الخريش.. الي مع البيد مطرود
لجاء لحظنه عن عبث كل صياد
كنه غرير ٍ.. عن ذرى ابوه مفقود
بعد المدى ضمه وحطه له وساد
ندعي له وقوفٍ.. وندعي له سجود
...عساه.. فالجنه ..نزيل ٍ أُوراد
ولو البنادم.. من محاسينه يسود
سلطان من كثر الحساني لنا ساد
عبدالله ابوسباحه