الجفا والصد

رغم الجفا والبعد ياكامل الزين
لازال حبك داخل القلب موجود
مانيب أنا ناسيك لو كنت ناسين
لو كنت تجزيني بهجران وصدود
صعب علي أنساك في غمضة العين
وانسى ليال كلّها سهود ومهود
صعب أنا أنسى حبك اللي له اسنين
في وسط قلبي منبته زهر وورود
ما ظن يالغالي ولو كنت جافين
وعندي على قولي براهين وشهود
عين على شانك دموعه ملايين
وقلب عقب فرقاك ملهود ملهود
ضاقت علي دنياي والهم طاوين
وجفيت أنا للنوم والحيل مهدود
تايه بهالدنيا كما طفل مسكين
أمه توفت وأيضا أبوه مفقود
ذي حالتي من عقب فرقاك يازين
كتبتها لك كودك بعطفك تجود