يا بوخالد رايتك عز وبياض

ياصباح الحزن يا صبح الرياض
السكون يلفها ويسودها
أثرها تدري وفاض الدمع فاض
مات سلطان السماح وجودها
أقفرت عقبه خصيبات الفياض
وذبلت يوم الفراق ورودها
لكن المكتوب مافيه اعتراض
بأمر رب العالم ومعبودها
نطلبه يجعل موازينه عراض
عنده الرحمه وسيع حدودها
ياعسى ممطور عقب البرق ناض
يسقي العود وجميع لحودها
والمشاعر باكيه والشعر هاض
لنت يومه لان قاسي عودها
يابوخالد رايتك عز وبياض
يابوخالد مانعرف جحودها
ارقد ونلقاك في ظل ورياض
لا التقت عند الكريم حشودها
فيصل بن علي السليماني القحطاني