الله ولا وقفة تخلف مواعيد

من هيبة الشعر تاقف للكبار الصغار
ينكف على هيبته دوشة معاويدها
ترزم مطايا المعاني لي حنين او وقار
وأبلغ بها في هموم ما نطلق قيدها
افزع بها في غرض شعري يمين ويسار
من خطوة الشعر ممشاها على بيدها
صلف الهوى من شمال ان هبني واستدار
حنيت للدار والديره واباديدها
لاهب فاح النفل والشيح فالاعتبار
واشم ريحانة فاحت عناقيدها
منها إليا غصنها الناعم شموم الزبار
تشم منها قرياته وأفانيدها
ما يوصف من الطيور الا طيور الحرار
وشيهانة من مواكرها تماجيدها
من عينها تاقف جيوش الغلا في نهار
ومن رمشها لا حلاها لا سطع جيدها
ما شدني في هواك الا الغلا يا عمار
ومن كلمتك لو يجوز احيان ترديدها
الشوق من منطق الغيره عمار ودمار
لو كان من حرص ينقصها ولا يزيدها
شف وقفتي لا تناظر طيلة الانتظار
الله ولا وقفة تخلف مواعيدها
ما جيت الك بالجفا والذل والانكسار
جيتك بهمة رجال عزها عيدها