أحب يمناها وأدور رضاها

أحب يمناها وأدور رضاها
أمي ولا غير أمي إنسان محبوب
محدٍ به الدنيا نصحني سواها
تعطف علي وتحن ليِِ صرت متعوب
والله فلا مخلوق يسوى غلاها
أمي ملاك الروح من كل عذروب
الغالية ما يوم قلبي نساها
وان غبت عنها ساعة عشت منكوب
محدٍ به الدنيا تعنى عناها
تسهر طوال الليل والقلب ملهوب
الله كتب لي الخير دوم أبدعاها
وأفعالها بالخير دوم لها أسلوب
جزيتها وأزريت للحق جزاها
فديتها بروحي ولا نيب مغصوب
والحمد لله يوم ربي عطاها
قلب يحب الخير ابيض كما الثوب
ولي السماء وصى علينا برضاها
أمي ولا غير أمي إنسان محبوب
طلال بن غارم آل فرحان