البنت صرافه وبناتها برنت من يشتري تعطيه بالمبلغ شعار الأسبوع الماضي كان لغز الأسبوع من طرح معد الزاوية والذي يقول: انشدك عن بنت لقحت من ظهر بنت وجابت بناتٍ توم ثنتين وصغار وحده تخليها غصب وين ما كنت وحده تشيله معك يا صاح تذكار ومع الكم الهائل من الحلول التي وصلت للقسم إلا أنه لم يصل إلى الحل سوى: كتبت لغزك يبورجا وتفننت حبكة معلم شاعر الغاز بيطار مكينةٍ تخصم وتعطي لنا برنت وبطاقة الصراف تعطي لها شعار أحمد بن ناصر المحرج - الرياض وجهت حلي للخزامى وعنونت والبنت معروفة ولاني بمختار نقطة بيوعٍ بالمحلات والنت كان البطاقة يالخو ما بها اصفار عطية بن رافع الميهوبي يا مرحبا يالشمري فيك كيف أنت اكرر الترحيب من بعد الاسفار البنت صرافه وبناتها برنت من يشتري تعطيه بالمبلغ شعار بعصر التطور رابحن صاحب النت كل التعامل صايرن عبر الأقمار شلاش بلال العنزي - الرياض أقول أنا يا عادي عن لغزك احسنت حاولت في حله وانا اتعبت الأفكار وليقت انا له حل واسمعني لاهنت بطاقة تخدمك بتسديد الأسعار محمد صالح الأطرش - القصيم يا بورجا للغز جبت وتفننت الله يجيرك من صواديف الاقدار الحل يوم اني جلست وتفطنت بطاقة الصراف لا تصير محتار علي رشيد الرشيد - رياض الخبراء عوداً حميداً مرحباً فيك لاهنت يا مرحبا حييت من بعد الاسفار بطاقة الصراف حلي وخمنت عند المحاسب يعجبك ضبط الأسعار محمد أبو دحيم - البدائع يبورجاء يا معدن الجود لاهنت إبشر بحل اللغز ياواف الأشبار مكينة الكاشير فيها تمعنت مع البطاقة والولد كشف الأسعار فهد بن عقيل الطويان - بريدة مكينة للبيع بالسوق لاكنت من بطاقة الصراف لا أدخلتها صار تخرج لك أورقيني ياسعد لاهنت لك واحدة واخرى بقت عن بازار سعود عائش الحربي - جدة لغز الأسبوع كتبه للصفحة الشاعر أحمد ناصر المحرج من الرياض ويقول: أنشدك عن عدرا وتلقح من اثنين والناس تعشقها ولو هي خطيره حبلى وكلن شافها شوفة العين جابت ولد واهدته بنت كبيرة والحل يشمل العذراء والولد الذي أهدته لتلك البنت الكبيرة. ونستقبل الحلول علي الفاكس 01487107 أو الإيميل: [email protected]
