ليتني ماشفت دمعاته تسيل

يافهد حالي من الفرقا عليل
لي ثلاث أيام والفت السهر
أشهد إن الليل بغيابه طويل
وأشهد إن اليوم بحسابي شهر
وأشهد إن الشعر مايشفي الغليل
كان ما ينظم .. مثل نظم الدرر
صابرٍ يا صبر أيّوب الجميل
لو فراقه جامراً قلبي جمر
ليتني ماشفت دمعاته تسيل
إذبحتني ذبح .. دمعاته قهر
لاتقول : إنسى وتلقى له بديل
يافهد ماهو بحيّ الله بشر
نابي الأرداف منسوع الجديل
ليّن الأعطاف منحول الخصر
كامل الأوصاف واشباهه قليل
يآمر وينهى على روحي أمر