لقيت للقرحة علاج طبيعي للشاعر عيد بن مربح

شاعر وقصيدة

الشاعر الكبير عيد بن مربح القلادي الرشيدي شاعر غني عن التعريف احد شعراء الوطن المخضرمين الذين لهم باع طويل في مجال الشعر شاعر نظم مذهل ومحاورة مبدع شاعر يقول الشعر من واقع تجربة في هذه الدنيا ، ومن قصائده الشهيرة هذه القصيدة:
لقيت للقرحة علاجن طبيعي
فرقى ختوش الربع وأنذال الأصحاب
قلبي ليا مني نزرته يطيعي
يضغط على نفسي وترتاح الأعصاب
وأنا مع أهل العرف راسي رفيعي
يوالوقت عادي فيه حساد وأذناب
يابن خلف يانسل عود شجيعي
يالنادر اللي من هقى فيك ماخاب
تعال أبيك وخل صدرك وسيعي
نبي نتناقش بالقضية والأسباب
قضية عنها الدلايل تضيعي
يولاني غني عن رأي عكفان الأشناب
وإفهم عليّه قدر ماتستطيعي
وتراي ماسندت لك لولا الإعجاب
وعطني مرادك بالقطار السريعي
وعساك تلقى لي عن الريع مجناب