لحظة وصولك سيدي ترفع الرأس

ماهي غريبة لو يحبونه الناس
رحت المطار اشاهده يوم طبه
لحظة وصولك سيدي ترفع الرأس
يوم الربوع الذاكرة تحتفظ به
امورخة وموثقة وسط قرطاس
المملكة وشعبها تحتفل به
وصار احتتفال يا عرب ماله اجناس
كلا دعا له با لشفا يوم حبه
شدّة وزالت قيل لاباس لاباس
قلبه رحوم وخايفٍ دوم ربه
من خوف ربه دمعته شافها الناس
ياما عطا والخير دايم يأمربه
اصدر قرارتٍِ تنومس تنوماس
زاد الضمان وخفض اديون شعبه
من شان شعبه شايل الهم حساس
عفا عن المسجون والدين كبه
ولتم شمل العائلة عقب ماحتاس
انا اشهد انك حاكم نفتخر به
يابن الإمام اللي بناها على ساس
ابا ًحنون وكل شخص ٍ محبه
سبحانه اللي سخر الناس للناس
خليف بن فهيد الحربي / الرياض