نفسه على وصل الحبايب عنيدة

ماني على طرد المقفين مجبور
كلٍ وكيفه يتبع اللي يريده
مايهمني غيابه ولو طوّل شهور
ومن اجبره في البعد لازم يعيده
ماني ترى من صده اليوم مقهور
مسكين خل الصد بكره يفيده
يظن انا فيه متولع ومسحور
مايدري اني طاوي اليوم قيده
دنيا العنا لو كان لابد ماتدور
والحي لاتحسب حياته بعيده
الوقت يفضح كل خافي ومستور
ومافات تلفي به علومٍ جديده
بكره اذا جاني انا اقول مشكور
الود طبعي والوصل دوم ازيده
مانيب مثله شايف النفس مغرور
ونفسه على وصل الحبايب عنيده
معذور لو جاني ولو صد معذور
ومن قلب ابدعي له حياة ٍ سعيده
مسرور من دونه انا وفيه مسرور
وكل ٍ وكيفه يتبع اللي يريده
يوسف الخلف