أسباب السعادة

أخي المسلم تفكر في خطاياك
وذا تسمح دقايق للافاده
توقع وانتبه واحفظ رعاياك
ترى حر الزمن يغلب براده
ابذكرك ودعي لك بدنياك
عسى ربي يذكرك الشهاده
قبل يمناك تصفق كف يسراك
تبصر والله الله بالركاده
وقبل تقفي عن الدنيا مطاياك
نصيحه لا تفرط بالعباده
تصدق وابتسم واحسن نواياك
ترى هذي من أسباب السعاده
عسى مبدى المعرفة في محياك
وعلم الخير بالطيب امتداده
تغض الشوف عن هذى وهذاك
حكيم الراي ما يطلق جواده
هذا منهج دعاوينا ودعواك
ترى الدنيا تبي صبر وجلاده
ولو طال الزمن تندار الافلاك
وعمر الادمي يدني حصاده
نماذج واعتقد ما هيب تخفاك
يقوله شاعر يغلي بلاده
ترى المحسن يبيك تزيد حسناك
وترى المقرود يدعي للقراده