احترنا وش نوصف في جميل الوصايف والطبايع

احترنا وش نوصف في جميل الوصايف و الطبايع
احترنا وش نقول عنه وش نخلي
ياللي زينه طغى على شينه
والله ينكسر القلم ويجف الحبر وتضيع الابيات وقوافيها
لامنا جبنا طاريك ياعبدالكريم الف رحمة عليك
ننثر ابياتنا لجل عيونك
يابو الجود والاصالة والشهامة والرجولة والكرامة
يا عبدالكريم اللي يبي الكرم والوفا يلقاه نابع من عندك
يانهر يفيض كرم
ياللي بيته مفتوح ومازال مفتوح لكل ضيوف الرحمن
من كل صوب ومكان
من مالقى مأوى ما يضيع دام بيت الخليفي موجود
ياللي كرمك مثل كرم حاتم الطائي
العرب تضرب المثل بحاتم الطائي بالكرم
وحنا اهل البكيرية نضرب المثل فيك بالكرم والجود
الف رحمة عليك يابو الكرم
يا عبدالكريم كرمك مثل البحر
كلما ناخذ منه يفيض علينا زود وزود
من اسمك نلقى حروف الكرم
وكل له من اسمه نصيب
فيك حسن الوصايف والطبايع
ان بغينا رجولة نلقاها فيك
واسألوا الأيام هي الشاهدة
نغبنك على صلة الرحم
منك تعلمنا الوصل والسؤال
الف رحمة عليك
صدق انك غايب عن عيوننا
ولكنك باقي في قلوبنا ماتغيب
لك حب في قلب الفقير
والطفل لك في قلبه محل
ياحظك يامن سكنت قلب الفقير
وافرحت قلب الصغير
تركت لنا اخلاقا حميدة
نسولف فيها لكل صغير وكبير
الف رحمة عليك يا ابو الكرم
يالله يالله يالله يا كريم
ارحم عبدك عبدالكريم
واجمعنا واياه في جنات النعيم