مرحوم يا شيخ كسبت الموده

مرثية في وفاة الشيخ عبدالرحمن بن عبدالعزيز الجميح تغمده الله بواسع رحمته
مرحوم يا شيخ كسبت المودة
نعم الرجل ونعم هاك الجليسي
عم الحزن العاصمة وأهل جده
يوم الربوع وعصر يوم الخميسي
بيبكون والشاهد رجالاً توده
شف العزاء ماله قياس يقيسي
نعاه رجال الطيب وأهل الاشده
وكم شخص بفقدانه وجه عبيسي
ونعاه محتاجٍ من الخير مده
وجهه بشوش غير وجه تعيسي
شيخ له قدر ومكان ونعده
الصدق والايمان منهج رئيسي
عساه في الجنه مكان وحده
في روضه يغمس فيها غميسي
مكتوب والمقدور ما عنه ضده
والموت ليا جاء الروح ضاع النفيسي
اعزي الجميح اهل الوفاء وأهل نده
في النادر اللي راح واخفى الرميسي
وعياله الوافين والطيب قده
غرس صفات الطيب فيهم غريسي
نرثيك لو الشعر منباح سده
وطيبك مثل الشمس ماله طميسي
عبرت صدق القول واقول جده
عساك في الجنه سعيد انيسي