دفء قربك

الجمال اللي سكن روحك قبل يسكنك كلك
صدقيني صدقيني جابني كلي إليك
للأمانه لك معزه خاصه محدٍ تصل لك
والخفوق اللي سكنتي به بيسألني عليك
جيت لك صادق مشاعر يالغلا ودي أقلك
اني اني واني اني أعشقك وآذوب فيك
وان سألتي عن احاسيسي فلا يمكن أملك
دوم مابيني وبين النفس اهوجس والتقيك
هاهنا بين الحنايا صار[ياروحي]?محلك
في شغاف القلب نساني هوى هاذي وذيك
ركنك الهادي ومرباعك وأشجارك وظلك
كل هذي الاربع الاشياء دواما تحتريك
هاه وش قلتي حياتي تقبلين بقلب خلك
لا: وازيدك دام كلي لك بربك وش اعطيك
سلمك ربي لمن يعرف مكانتك ويجلك
يا أميرة خافق اللي طول عمره يرتجيك
عامره دنياي بوجودك وبعيوني اشلك
وان تقولي فكني مابي/ اقول إلا ابيك
دافء قربك عبق وردك عطرريحانك وفلك
جاذبيتك الخطيره حيل: تدعيني واجيك
مبروك بن سالم بن ماضي