حنيت للي فات

يا ليت وقت فات يرجع خلافي
واعيد ذكرى ماضيه لو شويه
لا من ذكرت اسنيني اللي مقافي
هلت دموعي ما لها مقدريه
حنيت للي فات يا عين كافي
لاتز عجين الدمع يكفي عليه
زادت همومي ما لقيت المشافي
باللي مضى عقبه حياتي شقيه
الله وأكبر عقب ذيك الملافي
بذاك المكان اللي به النار حيه
يصير خالي ما به أحدٍ يشافي
من عقب ناسه ما له اليوم نيه
أشكي على اللي عالمٍ كل خافي
يلطف بحالي يوم صارت دريه
من عقب ذاك الوقت صار اختلافي
وكلن بحاله ما درى عن خويه
نواف بن محمد الصخابرة