تعلا بالعلا باجتهادي

سلام يا شيخ بعيد الهدادي
طلعه بعيد ودايمن طلعة بعيد
حر مخاليبه تفج الثنادي
وليا طلع ماهوب عن طلعه أيحيد
ذرى القبيلة عن سموم وبرادي
لا عودت للجيم والدال تحديد
مقدم هل الهد لا ليا جاء عنادي
وحمي الوطيس وقيل لبيه للسيد
مقدم ربوع يبعدون المعادي
هو شيخنا لاغثربن المواريد
ماهيب شيخة ختم ولا دوادي
من يومها شيخة سيوف وبواريد
«علي» تعلا للعلا باجتهادي
حاز المراجل كلها دون تفنيد
للطيب يطلع في طويل المبادي
وللعز ينزل في وسيع الجراهيد
هداج ما غاضه كثير السوادي
يزداد جمة كل ما ورده يزيد
ما قلتها لي بالقصيدة مرادي
الا نمجد مستحق التماجيد