الغلا زاد

أعوام قلبي يابشر كيف مذبوح
والهم واحد لو طيوفه تشابه
وهذي حروفي داخل كتاب مفتوح
وتسطر أحزان خفوقي عثآبه
عمري مسافر في متاهات وجروح
مجروح شخص عزيز جنابه
طفله صغيره والغلا زاده ملوح
حتى الفرح من غاب صرنا نهابه
يا دنيتي لو غبت لاشك مسموح
طيفك يظلل عالمي كالسحابه
حرفي وأحسه ثايرن وده يبوح
ويقول كني منعزل وسط غابه
همي قواني وان نهرته فلا يروح
من سبة اللي قد تمادى غيابه
وهيل الغرام بنارها شمه يفوح
وفي غيبته كل الليالي كآبه
أحبها من كل قلبي مع الروح
وين الحبيب! اللي سطي بي عذابه
كنا وكنا بين جدن مع مزوح
قلبين عاشوا في نعيم ورحابه
ولا نسمع النمات من شخص مريوح
قلبين كانت كل أبوها تشابه
واليوم قلبي في حناياه مذبوح
عشت الألم حيث الأمل وش بقابه
وقصر الغرام اللي مشيد على صروح
ضاقت به الأحزان وإنصك بابه
وعمر الغرام ولا يجي فيه مصلوح
كود العناء ان كان تبغى إجابه