مابين تاجر ودلالي

صديقك متى ما تجر فأنسه وعده مات
وخله وتلقى بالخلايق له ابدالي
زمان تغير صاروا الناس فيه شتات
تزايد طمعهم همهم جمع الاموالي
كثير الخلايق ياخذ الناس بالحيلات
إلا جا لزومه قال يا عم يا خالي
يشوفك على الضيحه إلى صار له حاجات
يسلم عليك وينشدك كيف الاحوالي
والا صار ماله لازم مر عجل وفات
سريع حرافه كن يطرده خيالي
كبير العلابي كنه الثور فالمنحات
ولاهمه إلا كثر الاقفى والاقبالي
غني فقير حارمه ربي اللذات
شقي مشيح كن قلبه على صالي
نهاره يحسب وش يحصل بها المخبات
وإلا راح للمسجد يجي فيه ولوالي
ولا يفرقون الزول هو ذيب والا شات
حلال وحرام والله اعلم بالاحوالي
عقب يوم حنا في طرابه سجات
قضوا ربعنا ما بين تاجر ودلالي