الحمد لله يوم شفنا كحيلان

الحمد لله يوم شفنا كحيلان
شفنا.. سموه مبتسم ف.. الجريده
من عقبها زان الطرب واللحن زان
زان القصيد.. وحان نظم القصيده
سلطان سلطان الرجاجيل سلطان
الله يزيده خير الله يزيده
راعي اليمين الطاهرة طير حوران
ليا.. مد.. مد.. ولا يمد الزهيده
انسان لكن بس عن مية انسان
ابو الكرم راع الكرم سيد سيده
صاحب سمو.. صاحب وفاء.. صاحب إحسان
في شوفته كل البشر مستفيده
طلعت سموه ما تقدر ب.. الأثمان
عيد على شعبه عسى الله يعيده
لو.. بيننا وبينه مسافات.. وأوطان
قريب.. لو.. ان المسافة بعيده
يالله ياللي معتلي عالي الشان
تمد في عمره سنين مديده
عبرت ما ف.. القلب وأمسيت طربان
من عقب شوفة سيدي ف الجريده
تركي بن نايف الدلبحي