فالي وفاله

الناس تدري عن فعول الرياجيل
افعولهم مثل المطر من خياله
أهل الوفا والطيب والبن والهيل
والكل منهم كل خير مشاله
لاشك راع الطيب من صفوة الجيل
يبقى وحاله فالزمن نفس حاله
لعل دربه للسعة والتساهيل
زمالته ياطيبها من زماله
والا الردي منبوذ لو قيل ما يقيل
بين العرب ياناس مالي وماله
غلطان من حطه زبون المعاميل
وغلطان من حطه مثل راس ماله
ماعاد أماشي من يذم المشاكيل
اروح في فالي وهو صوب فاله
فهد مطر المخلفي