عواكيس

@ حبيبي معوكس ما شاء الله عليك ومبروك عليك اللوك الجديد والرسام من المسيهيج إلى الحجيلان وبكره الهليل وبعده ربيع يالله وأنت ماشي، بدون كور لافه.
اخوك (علي الخيبري - الرياض)
- ماشي وخذني معك يالحاشي!!
@ معوكس انفدا ذا الشنب خلصت الثانوي وذبحني الطفش في البيت أبي حل من شواربك أحسك داهية لا تقول دحدري ع المطبخ لأني أكره المطبخ
زاحفه
- زاحفه تكفين يالضفدع كامل!!
@ صديقي معوكس انا اقترح عليك تترك هالشغلة كلها وتروح تصير مع لجنة شاعر المليون خصوصاً إنك وسيم مثل بدر صفوق وترى ما يبي لها شي كل الدعوى فالك المليون وخير من يمثلهم.
ابو طلحه - صديق نواف فريح بالهزاعيه
- شكلي ناوي على لجنة الانضباط والدوام بعد مضي نصف المدة!!
@ صديقي معوكس: لن استطيع ان اتصور اعتزال الفتى الذهبي نواف التمياط وستفقد الكرة السعودية هذا النجم الذي شهد له التاريخ. وقدم الكثير من الإنجازات للكرة السعودية ولنادي الزعيم. وما أقوله: وداعاً نواف ولن تنساك الجماهير السعودية وداعاً أيها الفتى الذهبي لن أنساك فما زلت في قلبي.
(هيمو الخرج. الهلالي) 11سلطان كليب العنزي.
- ذبحتنا.. وداعاً.. وداعاً يا نديم المشتل!!
@ صديقي معوكس ثاني مرة أسألك عن سر الانقطاع ثم الظهور بطلة جديدة. صحيح شياكه لكن ليه الحبر مالي ملابسك، أكيد تثبت ثقافتك وبعدين اعتقد بيجي تغيير ثاني.. يا صاحب الابتسامة الساحرة.
صديقك - معاذ الحميد - مرات
- بيني وبينك ولا يدري احد معرس مسيار!!
@ بعد صباح الخير والفل والياسمين معوكس انت تعرف السعوديييين هم نكهة شاعر المليون وبالاخير هم خارج الدوري!! كلمة أو خطة منك للشعراء الحاليين ومن تتوقع يتأهل للنهائي والبيرق.
بدر اليعقوب - القيصومة
- نصيحتي يفهمونها من بدري شكل الدعوى مثل جوائز الاتحاد الآسيوي!!
@ ابو العواكيس المحترم وشوق محب ليش ما تسوي زيارة للخرج وتشوف المشتل بيصير مدينة عالمية لأنك دايم تحش فيه موعاجبك
.اخوك أبو تركي - الخرج.
- مدينة عالمية يعني ديزني لاند على غفله!!
@ مرحباً معوكس وش رايك بجمهور الهلال في بريدة في مباراة الهلال والرائد.
(اخوك سالم الخضيري - الزعيم في الصميم)
- علم الحزم اللي ملعبهم كنه ملعب ثانوية!!
@ الأخ معوكس.. متى نشاهد النصر يلطم الاتحاد والهلال بالثلاثة والأربعة ويتصدر الدوري دائماً هل هذي معجزة ولا حلها بسيط عطنا الوصفة ياحكيم؟
نصراوي الزلفي أبو عتيق
-- في كأس فيصل!!
@ الأخ العزيز معوكس كم بطولة تتوقع يحصل عليها النصر الموسم؟
زيد زعل الرويلي - طريف
- اللي غايب عنها الدوليين!!
@ إلى السيد معوكس تحية طيبة وبعد.. ما رأيك بالاحداث المؤسفة التي حصلت بين لاعبي الأهلي والشباب.
(مرسدس بنت بورش - مدغشقر)
- انتهت بعفو نصف المدة!!
@ الأخ معوكس وش رايك بأفكار بعض الاعلاميين.
(اخوك - أبو عبدالعزيز - محافظة الشقه منطقة القصيم)
- كلها خرطي وتهبل!!
@ معوكس ليش الفريدي ما يتدرب على الفاولات وضربات الجزاء ويصير عالمي.
ابراهيم الكعبي - الفيصلية
- عالمي لازم يحترف في النصر!!
@ الحبيب الغالي ابو العواكيس
تحية طيبة وبعد
كيف ترى وضع النصر في مسابقة كأس فيصل
مساعد العتيبي - الرياض
- ماكلها بارده ماخذوا منه ولا لاعب للمنتخب ويبي الكأس باللي هي به!!
@ صاحب المليون رسالة ابو العواكيس
تحية وبعد
معقولة ما فيه أي لاعب يستحق المنتخب في النصر غير الوباري
مهند الصيخان - حي الفلاح
- والله الجوهر يقول الدعيع بطل والنصر ما فيه احد!!
@ العزيز معوكس
تحية وبعد
ماذا كنت تقترح وضعه بدل الرايات المفقودة في مباراة الحزم والرائد
محبك - عبادي
- كليجا!!
@ الغالي قاهرهم معوكس
تحية وبعد
متى نرى محمد الشهراني في المنتخب
عاشق العالمي - هديان المطيري
- ما فيه الا منتخب الكيرم أو المصاقيل!!
@ الغالي معوكس
تحية وبعد
ادارة الهلال حيرتنا مرة أبو تريكه ومرة برازيلي ومرة كوري وش السالفة
عاشق الزعيم - عبدالرحمن الضويان
- السالفة آخرتها السعود يقود الهجوم!!