أذكاره مخيف

المجلس اللي ماتجيه النشاما
حتى إيش لوحط الكنب والزخاريف
مغلق بابه شهور وعاماً
لو أن راع البيت موجود ما شيف
لو بالكرم راعيه يلزم لزاما
يحط للمجلس خدم مع مصاريف
مايقفله ومع الحيلة يناما
ولا حط ساسة للكرم والتكاليف
لو أن حظ اللاش بالمال قاما
دنياك عد قطفها بالمغاريف
أحد بها مثل الصغار اليتاما
وأحد يجيه المال من غير تصريف
يثنيلها حبل الرسن والخطاما
وتصبح شعيلة للأباهل معاطيف
أحد شرب من درها وحد صاماً
واللي شقته المر بادوارها معيف
يالله أنا طالبك حسن الختاما
من لافي كل من أذكاره مخيف
في موقف يلجم لسانه لجاما
تشهد عليه عضاه هي والأطاريف
من هول مابه يالمسلم سلاما
ما فادته كثر الحيل والمعاريف
صحايفة تغلق وتحكم حكاما
لبس الكفن واللي حواله مواقيف
ثم أدخل الحفرة بلفه حراما
مستعجلين وبعد دفنه مناكيف
في ما عمل يبقى جليسه تماماً
يوم الحساب ويوم نشر الأصاحيف
تذكير وعظ للرجال الكراما
دنيا تولي ماوراها تحاسيف
عايض ماطر