البيت يبكي

هذه الأبيات كتبتها رثاء في زوجتي أم إبراهيم:
المنزل اللي غادره زين الاوصاف
الله يبره بالسعد والسهاله
غديت مثل الطير في راس مشراف
قام ايتلفت من يمين وشماله
جيران بيته كلهم شفت ما شاف
كل يحبه بالوفاء والشكاله
بكيت عند القبر من صوت الاسعاف
يوم المرافق وسط الاسعاف شاله
اصبر مثل يعقوب من حر ما شاف
عميت عيونه من مشاكل إعياله
مرحوم يا اللي داخل البيت ميلاف
طوال السنين اللي مضت بالسهاله
البيت يبكي سيده ناب الأرداف
يقول وين اللي سكن في ظلاله
الله يجعل لولوه بنت الاشراف
تشرب من أنهار عذوب إزلاله
نهر العسل والماء إجلوس على الساف
أو نهر اللبن والخمر حلاً حلاله
اللي يهني اللي سكن فيها ما خاف
في جنة الفردوس عز وجلاله
صالح إبراهيم السكران