يشهد له المنبر سنينٍ توالي صوته ينادي منبر الفيصليّه

رثاء الشيخ إبراهيم بن محمد بن إبراهيم المقرن
رحمه الله تعالى
تحت الثري شيخٍ فقدناه غالي
أقفى عن الدنيا بروحٍ تقيّه
هذا القدر مكتوب واعزتالي
غاب الذي للدار شمسٍ وضيّه
يتذكره حي سكن به ليالي
بحي الحزيمية يناديه حيّه
ذكرى السنين اللي تلاشت خوالي
ذكرى بيوت الطين ولا الركيّه
يتذكره ناسٍ تعزه غوالي
جيرانه وربعه وباقي البريّه
ويشهد له المنبر سنينٍ توالي
صوته ينادي منبر الفيصليّه
ويشهد له المحراب في كل حالي
في سيرته نهج الصلاح بنبيّه
تبكيه ناسٍ دمعها منه طالي
حتى الطفل يبكيه صبح وعشيّه
يقضي حياته خاشع الليل سالي
أقبل عن الدنيا بنفسٍ غنيّه
قدره كبير باقيٍ له معالي
ذكراه تبقى في رموزه بقيّه
عزيت نفسي من حسبته ظلالي
شكيت من جور العنا والمنيّه
عزاي للمقرن عمام وخوالي
وقبيلة الداود فرد وحميّه
أدعي بعالي الصوت ياذا الجلالي
تدخله فردوس الجنان العليّه
وصلاة ربي عد وبل الهمالي
على رسولٍ بالهدى له سجيّه
إبراهيم بن محمد التميمي