فلاش

كلمتني وحدة وقالت: صحيح أنتم تجون تأخذون المدمن على المخدرات وما تسجنونه؟ قلت: صحيح ولا علينا منه بعد ولا نسأله.. ولا نراقبه وهذي ترى توجيهات من سمو الأمير نايف.. قالت: أجل خذ أمي وأقنعها.. وعطتني أمها وقلت سمي يا خالة.. قالت: أكيد اللي تقوله بنتي أنا ماني مصدقتكم؟؟ ولدنا هبّل فينا. جاب لنا المصائب والفضائح.. حنا بيت حمايل يا ولدي.. تعرف عيال حمايل ولا لا.. قلت أعرف يا خالة بس وش تأمرين فيه ترى ولدك اعتبره أخوي الصغير.. وما دام إنه مدمن مخدرات ما هو أول واحد ترى عندنا توجيهات من ولاة الأمر ننقل مثل حالة ولدك وندخله المستشفى عشان يعالجونه وتجينا مثل هالحالة كثير ونتابعه بعد.. لكن نسجنه.. نحقق معه.. ما هو صحيح.. قالت: أجل يا ولدي تكفون تعالوا خذوه تراه مثل الخرقة منتهي لكن مثل ما وعدتني ما أبيكم تسجنونه.. وبعد شهر اتصلت وحمدت الله على رجعة ولدها وقالت الله يحفظ ولاة أمرنا كلهم ويحفظ عيالنا من المخدرات والخمور.. وياالله سترك.
الأبر