سجايا

طرى لي في ضميري ما طرى لي
عقب ما شفت ويش اللي جرى لي
جرى لي حاجة والله غريبه
ولكن ليتها ماجت في بالي
اشوف الطيب عوّد له زريه
من اللي همهم قيل وقالي
اقدم خير تنطحني رديه
ولا ادري وش جزاء المعروف تالي
كذا في بعض خلق الله طبيعه
ولا ميزّ حرام ولا حلالي
ضعيف النفس منبوذ السجايا
ولاله فالمراجل راس مالي
ولو هي في يدي غيرّ مساره
ولكن روحّت يا هملالي
فشيله يا عرب والله فشيله
تحبون الردى والطيب غالي
ولا ودّي تعم الكل فيها
ولكن به طحاطيح الرجالي
رياجيل الشهامه والكرامه
رياجيل كما صم الجبالي
ليا منك لقيت الشخص منهم
كما اللي وارد العدّ الذلالي
عزوم فالمواقف ما يهمه
معرّب من عمام ومن خوالي
وصلاتي عدّ همّال المخيله
على المعصوم ما ذعذع شمالي
فهد مطر المخلفي