بيت وصدى

الأسبوع الماضي كان بيت الأسبوع من طرح الشاعر فهد عقيل الطويان من بريدة والذي يقول:
التجارة والمكاسب غايته واول هدف له
شيء ما ينكر ومعلن مطلب التعليم الأهلي
وكان البيت يناقش قضية مطامع التعليم الأهلي وطغيان المادة على المستوى التعليمي وكانت الأصداء:
أغلب أصحاب المدارس جاك واعلن له بحفله
وهق العالم وجاته عاديه ياطير ياللي
كل ما جاه أب قال ادفع وباقي الامر شف له
مدرستنا الاوله يا رجل في العلم المحلي
آه يا وجدي على تعليمنا اللي نلتحف له
اقتلوه اهل المطامع شوفو التعليم الأهلي
سلطان بن حمد الحبابي
الطائف
ليت ندري ونتأكد في نظامه من وقف له
والمشاكل بالتعاون حلها بلحيل سهلي
الوزارة لو تتابع كان تعرف وانكشف له
كل شيء بالمدارس من تكاسل أو بجهلي
ثم تاقف للمقصرين يا ضح كل غفله
ليت يوضع له حدود تصلح التعليم الأهلي
علي رشيد الرشيد
رياض الخبراء
شوفو حل لبعض منها والمدارس بالاسف له
المواطن راحت امواله يريد اليوم حلّي
الطمع غاية بعضهم ولازم ينكشف له
تحدد أسعار المدارس ونوقفه عن هالتعلي
وان مشى في هالغلا ولا لقى احد ينتصف له
المدارس بالمئات تزود بالتعليم الأهلي
محمد بن عبدالعزيز الخنيفر
أشيقر
العلامة لكل طالب بالشهادة ما نصف له
والدراسه لك عليها والمعدل صار شكلي
ارفض التعليم الأهلي دام ما به شيء نفله
دام الأغلب همه المكسب اظن الناس مثلي
سعود بن سعد الحافي
الرياض
بيت الأسبوع
تجاوباً مع اقتراح الأخ فهد نايف العتيبي من الرياض حول موضوع الاخطاء الطبية الفادحة كتب بيت الأسبوع حول هذا الموضوع الشاعر محمد عبدالعزيز الخنيفر من أشيقر ويقول:
الخطأ وارد وصعب من طبيب
مرة يخطي وينهي له سليم
نستقبل صدى هذا البيت بثلاثة أبيات فقط تناقش موضوع الاخطاء الطبية التي تسبب وفيات وعاهات للمرضى والجزاء الرادع
نستقبل ذلك على الفاكس 4871070أو الايميل: khozama@alrigadh.com
صفحة خزامى الصحاري زاوية بيت وصدى
مقترح لقضية
بيت الأسبوع القادم
بعث للصفحة صديق الصفحة حمد عبدالله الوايلي من حوطة سدير حول موضوع عدم كفاية القرض العقاري والمطالبة بزيادته في ظل غلاء مواد البناء.