ابتهال

يالله اللي بملكك ما يجي لك مثيل
رزاق جل خلقك بالعيون وشفاه
عالم بحالت اللي يشتكي وسط ليل
يسهر اليل كله من هموم وراه
وانت عالم بهذايا عظيم جليل
ماخفاشي مناكل شي تراه
يالله اني طلبتك منحني لك ذليل
اسالك ياالهاذل من هو عصاه
منجين من يطيعه من عذاب وويل
ما يخيب الذي له مد يّد ورجاه
يا سميع لعبد قام يرجف عليل
من هموم بقلبه بينة في خطاه
يالله الطف بعبدك وسط يوم يهيل
نجني يوم ما ينفع خوي وجاه
نجني يوم ما ينفع خليلا خليل
كل واحد تبعد عن خويه وتاه
واغفر الذنب كله من كثير وقليل
واغفر اللي فعلته يوم قلبي سفاه
يالله الطف بحالي واهدني للسبيل
اهدني كل درب خير خلقك مشاه
بس درب السعادة ما بي له بديل
اهدني للطريق اللي يوصل نجاه
هاني بن محمد السلوم